Li bajarê Bochûmê yê Elmanyayê, ji bo danasîna nirxên “xweşbînî û jiyana hevpar” a di navbera Kurd û Ereban de û ji bo roteyeke înteraktîftir çêbibe, civînek hate lidarxistin.
Civîna Diyaloga Kurd-Ereb di 5’ê Mijdarê de ji bo danasîna nirxên xweşbînî û jiyana hevpar a di navbera Kurd û Ereban de û ji bo roteyeke înteraktîftir pêk were, hate lidarxistin.
Civîna li Bochûmê ji aliyê “Navenda Lêkolînên Kurdî” û “Komeleya Xweşbînî” ve hat organîzekirin.
Li gorî encama dawî, di civîna ku rewşenbîr, hunermend, rojnamevan û parêzvanên mafên jinan ên Kurd û Ereb li hev civiyan de, nîqaş li ser lêkolînên cuda, hêviyên gelan û bendewariya wan, hatin kirin.
Di civînê de bi taybetî pirsgirêkên ku jin di nava civakên Ereb û Kurd de dijîn, çavkaniyên hêzê yên hevpar, zehmetiyên civaka Ereb û Kurd yên ku rûbirû dimînin û çareseriya wan hate nîqaşkirin.
Her wiha li ser mijarên weke têkiliya di navbera mafên Kurd-Ereb, ji nêz ve naskirina hev, zanîna hevpar û çarenûsa hevpar hatin axaftin.
Astengiyên li pêşiya diyaloga di navbera gelan de, rê û rêbazên rakirina van astengiyan jî, mijarên nîqaşê bûn.
Her wiha perspektîfên têkoşînê yên li dijî polîtîkayên hêzên hegemon ên li hemberî meyla jiyana hevpar a her du gelan tên pêşxistin, hatin nîqaşkirin.
Bi vê mebestê, bi kûrkirina diyaloga di navbera her du gelan de, girîngiya çarenûsa hevpar û yek helwestiya hevpar li hemberî her cure metirsiyan bi tundî hate tekezkirin.
Di dawiyê civînê de hat destnîşankirin ku ev hevdîtina diyalogê tenê wek destpêkek bê nirxandin û pêşniyarên ku di nîqaşan de hatin kirin jî wek gavên pêşîn bên nirxandin.
Civîn bi perspektîfa berdewamkirina van gavan ji bo bidestxistina zanyariyên kêrhatî û girîng bi rê û rêbazên înteraktîf, temamker û dewlemend di têkiliyên Kurd û Ereban de bi dawî bû.
Her wiha biryar hate girtin ku zemînê hatiye dayîn li qadan bê berfireh kirin, qanalên nû yên têkiliyê bi komên civakî re bê avakirin û xebatên diyalogê bi bikaranîna medyaya civakî berdewam bikin.
